LAST DAY OF COLLEGE :-)

Raah dekhi thi is din ki kabse,
Aage ke sapne saja rakhe the naajane kab se.
Bade utavle the yahaan se jaane ko ,
Zindagi ka agla padaav paane ko .

Par naa jane kyon Dil mein aaj kuch aur aata hai,

Waqt ko rokne ka jee chahta hai

Jin baton ko lekar haste the, Aaj un par rona aata hai ,
Na jaane kyon aaj un palon ki yaad bahut aati hai .

Kaha karte the ..Badi mushkil se TEEN saal seh gaya ,
Par aaj kyon lagta hai ki kuch peeche reh gaya .

Na bhoolne wali kuch yaadein reh gayi,
Yaadien jo ab jeene ka sahara ban gayi.
Meri taang ab kaun kheencha karega , Sirf mera sir khane kaun mera peecha karega.
Jahaan 2000 ka hisaab nahin wahaan 2 rupay ke liye kaun ladega,

Kaun raat bhar saath jag kar padega ,

KAUN MERI byke mujse pooche bina lejayega ,
Kaun mere naye naye naam banayega.
Mein ab bina matlab kis se ladoonga,
Bina topic ke kisse faalto baat karoonga ,

Kaun fail hone par dilasa dilayega,
Kaun galti se number aane par gaaliyaan sunayega

CHEDI k kulche kon khilayega,
khaane k baad kon mujhse Paise dilayega,
Redi p chai kis ke saath piyoonga ,
Wo haseen pal ab kis ke saath jiyoonga,


Aise dost kahaan milenge Jo khai mein bhi dhakka de aayein,

Par fir bachane, khud bhi kood jayein.

Mere gaano se pareshaan kaun hoga ,
Kabhi muje kisi ladki se baat karte dekh hairaan kaun hoga ,

Kaun kahega saale tere joke pe hansi nahin aai ,
Kaun peeche se bula ke kahega..aage dekh bhai .

Movies main kis ANkit, Pramod, Yogi k saath dekhhonga,
Kis Ankush ke saath boring lectures jheloonga ,

mere certificates ko raddi kehne ki himmat kaun karega ,
Bina dare sachi rai dene ki himmat kaun karega.

achanak kisi ko be dekhkar bina matlab k hasna,
jaane ye fir kab hoga

Doston ke liye professor TOMAR se kab lad paunga ,
Kya main ye fir kar paunga,

Raat ko 2 baje Bhature khane station kaun jayega ,
Tez BYKE chalane ki shart kaun lagayega .

Kaun muje mere kabiliyat par bharosa dilayega,
Aur jyada hawa mein udne par zameen pe layege ,

Meri khushi mein sach mein khush kaun hoga ,
Mere gam mein muj se jyada dukhi kaun hoga..
Mere gam mein muj se jyada dukhi kaun hoga.....

________________________________________________________________

Each & every line above is dedicated to my buddies Ankit, Ankush, my sweetheart YOGI , Pramod, Siddharth !! love u all yaar !! bohot miss kiya college ko ! bohot jyada !!......... !! just wished if time goes 3 yrs back & we start our college again & fir 1 baar vhi life jee le !

abi to got habitual, left dat life behind !!! but will love u buddies like dis ever-forever !! Thankz for being d b.ful most pages of MY LIFE !!